«بۇگىن سوڭعى كۇن». دەكلاراتسيا تاپسىرماعاندارعا قانداي شارا قولدانىلادى

الماتى وبلىسى بويىنشا وسى جىلدىڭ باسىنان ادق 9129 سالىق تولەۋشى ​​(بيۋدجەتتىك جانە كۆازيمەملەكەتتىك سەكتور قىزمەتكەرلەرى) 2023 جىلدى ەمەس, 2022 جىلدى كورسەتىپ, ياعني سالىق كەزەڭىن قاتە كورسەتە وتىرىپ, دەكلاراتسيانى (250.00 نىسان بويىنشا) دۇرىس ەمەس تاپسىرعانى انىقتالعانىن حابارلايدى.

2023 جىلدىڭ 14 قىركۇيەگىندەگى جاعداي بويىنشا 6 203 جەكە تۇلعانىڭ دەكلاراتسياسى تۇزەتىلدى, الايدا مامىردان باستاپ قىركۇيەككە دەيىن دەكلاراتسياسىن قاتە تاپسىرعان جەكە تۇلعالاردىڭ سانى 2 737 ادامعا ءوستى.

ناتيجەلى تۇردە جۇرگىزىلگەن جۇمىستاردىڭ ناتيجەسىندە بۇگىنگى كۇنگە دەكلاراتسياسىن قاتە تاپسىرعان 3 053 جەكە تۇلعا قالدى.

دەكلاراتسياسىن ەڭ كوپ قاتە تاپسىرعان ادامدار سانى:

- ىلە اۋدانى بويىنشا مكب - 983 جەكە تۇلعا.

- تالعار اۋدانى بويىنشا مكب - 899 جەكە تۇلعا.

- ەڭبەكشىقازاق اۋدانى بويىنشا مكب - 653 جەكە تۇلعا.

سالىق كەزەڭىنە - 2022 جىلدى كورسەتە وتىرىپ, قاتە تاپسىرعان دەكلاراتسيانى (250.00 نىسان),

- «سالىق تولەۋشى ​​كابينەتى» ۆەب-پورتالى (cabinet.salyk.kz),

- «ەلەكتروندىق ۇكىمەت» پورتالى (egov.kz)

- eSalyk azamat ءموبيلدى قوسىمشاسى ارقىلى كەرى قايتارىپ الىپ, 2023 جىلعى 15 قىركۇيەكتەن كەشىكتىرمەي دۇرىس كەزەڭدى 2023 جىلدى كورسەتە وتىرىپ, دەكلاراتسيانى قايتادان تاپسىرۋ كەرەك.

2023 جىلدىڭ 15 قىركۇيەگىنەن كەيىن (250.00 جانە 270.00 نىساندار)  دەكلاراتسيانى تاپسىرماعان سالىق تولەۋشىلەرگە, مەملەكەتتىك كىرىستەر ورگاندارىنىڭ قىزمەتكەرلەرى اكىمشىلىك حاتتاما تولتىرادى (اقبتك-ءنىڭ 727-بابى بويىنشا)

ءبىرىنشى جولى  – ەسكەرتۋ, ەكىنشى رەت دەكلاراتسيانى تاپسىرماعانى ءۇشىن 15 اەك, تولىق ەمەس اقپاراتتى كورسەتكەنى ءۇشىن – 3 اەك كولەمىندە ايىپپۇل سالىنادى.

2023 جىلدىڭ 1 قانتارىنان باستاپ جالپىعا بىردەي دەكلاراتسيانى تاپسىرۋدىڭ ەكىنشى كەزەڭى باستالدى.

ەكىنشى كەزەڭدە (2023 جىل 1 قاڭتاردان باستاپ) دەكلاراتسيانى:

• مەملەكەتتىك ورگانداردىڭ قىزمەتشىلەرى جانە ولاردىڭ جابايلارى
• كۆازي-مەملەكەتتىك سەكتور سۋبەكتىلەرىنىڭ قىزمەت كورسەتۋلەرى جانە ولاردىڭ جۇبايلارى تاپسىرادى.

جالپىعا بىردەي دەكلاراتسيالاۋ جۇيەسىنە كىرۋدىڭ ءبىرىنشى جىلىندا جەكە تۇلعالار اكتيۆتەر مەن مىندەتتەمەلەر تۋرالى دەكلاراتسيانى (250.00 نىسانى) ۇسىنۋعا مىندەتتى. كەلەسى جىلدارى كىرىستەر مەن اكتيۆتەر تۋرالى دەكلاراتسيا تاپسىرىلادى (270.00 نىسان)

اكتيۆتەر مەن مىندەتتەمەلەر تۋرالى دەكلاراتسيا (250.00-نىسان) دەكلاراتسيالاۋ جۇيەسىنە ەنگىزىلگەن كۇنگى جاعداي بويىنشا جيناقتالعان اكتيۆتەر مەن مىندەتتەمەلەردى ەسەپكە الۋ ءۇشىن ۇسىنىلادى. بۇل رەتتە, قازاقستان رەسپۋبليكاسىنىڭ ۋاكىلەتتى ورگاندارىندا تىركەلگەن جىلجىمايتىن م ۇلىك جانە كولىك قۇرالدارى تۋرالى مالىمەتتەردى دەكلاراتسيادا كورسەتۋ قاجەت ەمەس, ويتكەنى بۇل اقپارات مەملەكەتتىك كىرىستەر ورگاندارىندا بار.

شەت مەملەكەتتىڭ زاڭناماسىنا سايكەس قۇقىقتارى جانە (نەمەسە) مامىلەلەرى شەت مەملەكەتتىڭ قۇزىرەتتى ورگانىندا مەملەكەتتىك نەمەسە وزگە دە تىركەلۋگە جاتاتىن م ۇلىك شاعىلىسۋعا جاتادى.

بۇل رەتتە قازاقستان رەسپۋبليكاسىنداعى جانە (نەمەسە) ونىڭ شەگىنەن تىس جەرلەردەگى م ۇلىك تۋرالى مالىمەتتەردى كورسەتۋ قاجەت, مىسالى:

• تۇرعىن ءۇي قۇرىلىسىنا ۇلەستىك قاتىسۋ تۋرالى شارت بويىنشا تۇرعىن ۇيدەگى ۇلەس
• قازاقستان رەسپۋبليكاسىنان تىس جەردە قۇرىلعان زاڭدى تۇلعانىڭ جارعىلىق كاپيتالىنا قاتىسۋ ۇلەسى
• باعالى قاعازدار, تۋىندى قارجى قۇرالدارى (ورىنداۋى بازالىق اكتيۆتى ساتىپ الۋ نەمەسە ساتۋ ارقىلى جۇزەگە اسىرىلاتىن تۋىندى قارجى قۇرالدارىن قوسپاعاندا)
• ينۆەستيتسيالىق التىن
• زياتكەرلىك مەنشىك وبەكتىلەرى, اۆتورلىق قۇقىقتار.

سونداي-اق قولما-قول اقشا ەڭ تومەنگى ەسەپتىك كورسەتكىشتىڭ 10 000 ەسەلەنگەن شەگىنەن اسپايتىن مولشەردە كورسەتىلەدى,

دەكلاراتسيانى جەكە تۇلعا تۇرعىلىقتى (بولاتىن) جەرى بويىنشا بەرەدى.

اكتيۆتەرى مەن مىندەتتەمەلەرى تۋرالى دەكلاراتسيانى (250.00-نىسان) ۇسىنعان جالپى دەكلاراتسيانىڭ ءبىرىنشى كەزەڭىندەگى دەكلارانتتار ءۇشىن كىرىستەر مەن م ۇلىك تۋرالى دەكلاراتسيانى ۇسىنۋدىڭ سوڭعى مەرزىمى:

• قاعاز تۇرىندە - 2023 جىلدىڭ 15 شىلدەسىنەن كەشىكتىرمەي (15.07.2023 سەنبى كۇنى بولعاندىقتان, دەكلاراتسيا تاپسىرۋدىڭ سوڭعى كۇنى 17.07.2023 – دۇيسەنبىگە اۋىستىرىلدى).
• ەلەكتروندى تۇردە – 15 قىركۇيەكتەن كەشىكتىرمەي تاپسىرۋ كەرەك.

الماتى وبلىسىندا جىل باسىنان بەرى جالپىعا بىردەي دەكلاراتسيالاۋدىڭ ەكىنشى كەزەڭىندەگى 114 489 سالىق تولەۋشى ​​270.00 نىسانى بويىنشا اعىمداعى مەملەكەتتىك قىزمەتشىلەرگە بارلىعى 38 470 دەكلاراتسيا جانە 250.00 نىسانى بويىنشا دەكلاراتسيا تاپسىرعان.

اكتيۆتەر مەن مىندەتتەمەلەر تۋرالى دەكلاراتسيانى تاپسىرۋ ادىستەرى

ەلەكتروندى تۇرىندە – مەملەكەتتىك كىرىستەر كوميتەتىنىڭ «سالىق تولەۋشىلەر كابينەتى» ۆەب-پورتالى (cabinet.salyk.kz), eSalyk azamat ءموبيلدى قوسىمشاسى مەن «ەلەكتروندىق ۇكىمەت» پورتالى (egov.kz) ارقىلى.

قاعاز تۇرىندە – مكك اۋماقتىق باسقارماسىنا قولما-قول تاپسىرادى.

اكتيۆتەر مەن مىندەتتەمەلەر تۋرالى دەكلاراتسيانى 2023 جىلى تاپسىرعاننان كەيىن, 2024 جىلدان باستاپ جىل سايىنعى كىرىستەر مەن اكتيۆتەر تۋرالى دەكلاراتسيانى (270.00 نىسانى) ۇسىنۋ مىندەتى تۋىندايدى.